A arte de activar(te) é un curso formativo enmarcado no proxecto “Roteiros para a incorporación social e o fomento de emprego” de persoas con trastorno mental.

Aprenderemos  a desenvolver un plan de acción laboral autónomo na búsqueda activa de emprego a través do acompañamento e facilitación, adaptados ás necesidades individuais e do grupo.

OBXECTIVO

Responder a e apoiar ás habilidades e necesidades para a inserción laboral, facilitando un espazo seguro de crear e construir novas oportunidades e potenciar a autonomía persoal e comunitaria para a inclusión laboral e social.

PROGRAMA E DATAS

Bloque 1: Xestión emocional

Traballarase a autoestima, a asertividade e a resiliencia para empoderar ás persoas na procura de emprego. Tamén facilitarase o autocoñecemento mediante dinámicas grupais e individuais, que nos axudarán a coñecernos as nosas aptitudes e potencialidades.

Martes 8 de novembro

Martes 15 de novembro

Bloque 2: Informática

Manexo Usuario do Paquete Office.Creación ou mellora co Currículum Vitae e Carta de presentación. Localización de información Web: Técnicas de procura en internet.

Xoves 10 de novembro

Martes 22 de novembro

Martes 29 de novembro

Xoves 1 de decembro

Bloque 3: O mundo laboral e a procura activa de emprego

– Ciberbúsqueda: Portais de emprego, formación e becas

– Que facer nunha entrevista de traballo

– Titorías de acompañamento individual para a procura activa de emprego

– O mundo laboral. Dereitos laborais. Acceso e mantemento. Análise da contorna.

Xoves 17 de novembro

Xoves 24 novembro

Martes 13 de decembro

Xoves 15 de decembro

Bloque 4: Formación específica

– Agricultura e xardinaría

– Mantemento de xardíns

Martes 20 de decembro de 11 a 14 hs

Xoves 15 de decembro de 11 a 14 hs

Martes 27 de decembro de 11 a 14 hs

METODOLOXÍA

Teórico-práctica e vivencial.

As técnicas pedagóxicas que se utilizarán son: Exposicións teóricas, exercicios prácticos didáctico-vivenciais con diversas técnicas, técnicas de relaxación, respiración, visualizacións dirixidas, xogos de roles, discusións en grupo pequeno e grupo grande.

Os obradoiros realizaranse de forma PRESENCIAL no local de Xaruma

PREINSCRIPCIÓN. REQUISITOS:

As prazas son limitadas por cuestión de aforo.

As persoas destinataria son persoas con trastornos mentais, polo que os requisitos de acceso serán:

  • Ter un trastorno mental diagnosticado.
  • Ter un cadro clínico estable e adherencia ao tratamento.
  • Ter máis de 18 anos.

As persoas terán unha entrevista inicial de valoración para ingresar no curso.

Para inscribirte debes chamar ao teléfono 698 142 158 ou enviando un correo electrónico a formacionxaruma@gmail.com.

HORARIO, DURACIÓN E LUGAR:

PREZO

Sen custe