Obradoiros de igualdade -

Saúde Mental e Muller

Durante moito tempo, a dimensión de xénero estivo excluída das cuestións relacionadas coa saúde mental. Para o imaxinario colectivo, as mulleres con discapacidade foron consideradas durante anos como obxectos que debían ser atendidos, pero nunca como suxeitos titulares de dereitos e, protagonistas da súa propia historia.

O estigma social afecta ás mulleres con problemas de saúde mental cada día, con implicacións negativas na súa calidade de vida, tanto pola discriminación e rexeitamento de quen lles rodea e da sociedade, chegando a condicionar o relato destas mulleres (pouca credibilidade e descualificación cando sofren e argumentan algún tipo de abuso ou violencia, chegando mesmo a xustificar ao agresor), así como polas implicacións debidas ao seu propio auto rexeito (autoestigma).

As mulleres que sofren problemas de saúde mental enfróntanse ao seu propio autoestigma, onde interiorizan e asumen os prexuízos sociais. Isto desemboca nunha percepción negativa delas mesmas e cren que son merecedoras da devandita discriminación. Cando unha muller con problemas de saúde mental interioriza a estigmatización, queda marcada a súa identidade e xéralles sentimentos negativos de si mesmas, a súa autonomía e a súa capacidade como mulleres.

Igualmente é fundamental poñer o foco sobre as situacións de malos tratos das mulleres con trastorno mental grave (TMG), xa que partimos de que as persoas con TMG son especialmente vulnerables e esta vulnerabilidade agrávase cando introducimos o variable xénero, o que fai que as mulleres con TMG teñan maior probabilidade de padecer violencia de xénero, que as mulleres sen un diagnóstico de TMG. Moitos destes factores teñen causas de orixe social, polo que desde a asociación incorporamos espazos onde se poida traballar para minimizalas, visibilizando e recoñecendo estas desigualdades.

Principais actividades

Voces Moradas: apoderamento feminino en saúde mental

Obxectivo: incorporar a perspectiva de xénero na intervención con saúde mental, apoderando e formando ás mulleres con trastornos mentais, creando lazos de unión e ferramentas para rachar estereotipos e combatir o autoestigma e o dobre estigma.

Lugar: Provincia de Pontevedra

Duración: febreiro a decembro de 2024

Xénero e debate