FORMACIÓN OFICIAL. COMEZO EN XUÑO
Gustaríache traballar con persoas e para persoas? Pertencer a proxectos de dinamización e intervención? Cres que a educación é o camiño para lograr grandes cousas? Disfrutas do contacto da natureza e ves nela un recurso valiosísimo? Pois este é o teu curso. Faite monitor/a de actividades de Tempo Libre e comeza a dedicarte ao que máis che gusta.
Nós cremos que este curso é unha das mellores e maiores bases para desenvolver calquera profesión, estea ou non estea dentro do mundo da educación no tempo libre. Aportarache outra forma de ver e vivir as cousas, fomentará a túa creatividade, coñecerás cousas de ti mesma/o que descoñecías e, como non, coñecerás a xente que ve o mundo de forma moi similar a ti e que, seguro, pasan a formar parte da túa vida.
O curso consta de 350 horas divididas en 200 teórico prácticas presenciais, e 150 de prácticas en institucións ou campamentos de verán. Ademais, este curso leva engadido o título de manipulador de alimentos, de 6 horas de duración (formación en liña).
Datas: 20 de xuño – 29 de xullo de 2022
Horario: de luns a venres de 9 a 14 h. Algúns días a sesión será de 10 horas (9h. a 14 h. e 15h. a 20h.) Dispoñemos dun espazo con microondas e menaxe para poder comer na escola (sempre que a situación o permita). Consultar o calendario.
Lugar: Vigo (barrio de Teis). Liñas L5, C3, 10, 17 e 31 (Vitrasa). Aparcamento gratuito no recinto.
Requisitos: maior de idade con graduado escolar ou equivalente.
Contidos:
- Psicoloxía e Educación no Tempo Libre
- Animación
- Educación para a Saúde
- Educación Medioambiental
- Organización e Recursos
Aportación:
250 € (antes do 5 de xuño) – 255 € (do 6 ao 16 de xuño): socios/as, desempregados/as e voluntariado activo da entidade. Este feito ten que darse durante o período de inscrición.
265 € (antes do 5 de xuño) – 270 € (do 6 ao 16 de xuño): tarifa ordinaria.*
Posibilidade de pagos fraccionados (con desconto/ ordinario)
Reserva de praza (antes do 5 de xuño): 120 €/135 € | Reserva de praza (do 6 ao 16 de xuño): 125 € /140 €
Segundo pago (antes do 2 de xullo): 80 € /80 €
Terceiro pago (antes do 15 de xullo): 50 € /50 €
Documentación a entregar:
– Fotocopia do DNI
– Fotocopia título graduado escolar ou equivalente
– Foto de carné
– Resgardo bancario
– Tarxeta de desempregado (de ser o caso)
Toda esta documentación entregarase dixitalmente unha vez confirmada a praza a través de copia escaneada ou fotografía na que se poida ler todo o que o documento contén.
Consulta as preguntas frecuentes
INDICACIÓNS PREVENCIÓN COVID-19
Este curso levarase a cabo sempre que os organismos oficiais así o permitan e non haxa ningunha disposición que o impida, atendedo ás normas sociosanitarias do momento.
