FORMACIÓN OFICIAL. COMEZO EN MARZO
Gustaríache traballar con persoas e para persoas? Pertencer a proxectos de dinamización e intervención? Cres que a educación é o camiño para lograr grandes cousas? Disfrutas do contacto da natureza e ves nela un recurso valiosísimo? Pois este é o teu curso. Faite monitor/a de actividades de Tempo Libre e comeza a dedicarte ao que máis che gusta.
Nós cremos que este curso é unha das mellores e maiores bases para desenvolver calquera profesión, estea ou non estea dentro do mundo da educación no tempo libre. Aportarache outra forma de ver e vivir as cousas, fomentará a túa creatividade, coñecerás cousas de ti mesma/o que descoñecías e, como non, coñecerás a xente que ve o mundo de forma moi similar a ti e que, seguro, pasan a formar parte da túa vida.
O curso consta de 350 horas divididas en 200 teórico prácticas presenciais, e 150 de prácticas en institucións ou campamentos de verán. Ademais, este curso leva engadido o título de manipulador de alimentos, de 6 horas de duración (formación en liña).
Datas: 12 de marzo – 5 de xuño de 2022
Horario: sábados e domingos de 9-14 e de 15 a 20 (horario xeral). Dispoñemos dun espazo con microondas e menaxe para poder comer na escola (sempre que a situación o permita)
Lugar: Vigo (barrio de Teis). Liñas L5, C3, 10, 17 e 31 (Vitrasa). Aparcamento gratuito no recinto.
Requisitos: maior de idade con graduado escolar ou equivalente.
Contidos:
- Psicoloxía e Educación no Tempo Libre
- Animación
- Educación para a Saúde
- Educación Medioambiental
- Organización e Recursos
Aportación:
250 € socios/as, desempregados/as e voluntariado activo da entidade. Este feito ten que darse durante o período de inscrición (ata o 4 de marzo).*
265 € tarifa ordinaria.*
Posibilidade de pagos fraccionados (con desconto/ ordinario)
Reserva de praza (antes do 4 de marzo): 120/135
Segundo pago (antes do 5 de abril): 80/80
Terceiro pago (antes do 5 de maio): 50/50
Documentación a entregar:
– Fotocopia do DNI
– Fotocopia título graduado escolar ou equivalente
– Foto de carné
– Resgardo bancario
– Tarxeta de desempregado (de ser o caso)
Toda esta documentación entregarase dixitalmente unha vez confirmada a praza a través de copia escaneada ou fotografía na que se poida ler todo o que o documento contén.
Para preinscribirte, simplemente enche o formulario final cos datos correctos e completo. No prazo máximo de 5 días enviarémosche un correo confirmando a praza e indicando os pasos a seguir.
INDICACIÓNS PREVENCIÓN COVID-19
Este curso levarase a cabo sempre que os organismos oficiais así o permitan e non haxa ningunha norma que o impida.
- Realizarase limpeza e desinfección mínimo 2 veces ao día.
- Sempre que o tempo o permita, realizaranse as actividades no exterior.
- O aforo real da aula interior é de 52 persoas. Nós limitarémolo a 20 persoas (salvo que unha norma posterior indique outro aforo diferente).
- Separación mínima de 1,5 metros entre persoas, contando dende o perfil das cadeiras.
- Obrigado uso de tapabocas. Para determinadas actividades é posible que utilicemos luvas (entregaraas a entidade).
- Compartiranse as instruccións de acceso e permanencia días antes do comezo do curso.
