A horta escolar ecolóxica é un recurso educativo cada vez máis necesario no ámbito académico en Galicia. Debemos entendelo como un espazo dentro do centro educativo onde se vai a abordar unha serie de contidos encamiñados a desenvolver as capacidades do alumnado. O gran número de recursos didácticos que permite o traballo ao aire libre, ver como crecen as plantas con axuda da nosa implicación, son razóns máis que suficientes para que nos animemos a incorporar unha horta na escola. E aquí os ofertamos esta oportunidade con este curso:
CURSO DE MONITOR/A DE HORTA ESCOLAR (30 horas)
(Formación teórica e práctica)
Os contidos do curso:
BLOQUE 1: A HORTA ECOLÓXICA ESCOLAR, A EDUCACIÓN AMBIENTAL E A ESCOLA. 2 horas
- Por que facer unha horta escolar?.
- Que ten que ver a educación ambiental coa horta escolar?.
- Beneficios da horta escolar.
- Obxectivos da horta escolar nas distintas etapas escolares.
BLOQUE 2: A HORTA ESCOLAR NO APOIO AOS CONTIDOS DO CURRÍCULO. 2 horas
- Linguas e literatura.
- Ciencias da natureza.
- Tecnoloxía.
- Educación plástica.
- Informática.
- Matemáticas.
- Educación física.
- Educación artística.
- Valores sociais e cívicos.
BLOQUE 3: PROXECTO DA HORTA. 4 horas
- Modalidade de horta escolar.
- Metodoloxía e organización.
- Posta en marcha.
- Temporalización.
BLOQUE 4: ACTIVIDADES DA HORTA ESCOLAR. 20 horas
- Deseño da horta.
- Preparación do terreo.
- Analizar o chan.
- Clima.
- Ferramentas da horta.
- A rega.
- Abonado, compostaxe e lombricompostaxe.
- Acolchados.
- Protección de cultivos.
- Planificación e calendario da horta.
- Rotacións e asociacións.
- A reprodución das plantas.
- Semente e plantación.
- As hortalizas.
- Prevención de pragas e enfermidades.
- Elaboración de tratamentos naturais.
- Elaboración de fichas de cultivo.
- Recolección.
- Mantemento da horta.
- As plantas aromáticas da horta.
- As árbores froiteiras.
- A fauna da horta.
- Flora espontánea da horta.
- Creación de banco de sementes.
- Taller de cociña coas hortalizas.
- Taller de cosmética con plantas medicinais.
- Mercadiño de troco.
BLOQUE 5: AVALIACIÓN. 2 horas
- Que avaliamos? Proceso de aprendizaxe do alumno e do proxecto.
- Cando avaliaremos? Antes, durante, despois.
- Quen avalía? O equipo docente e as persoas participantes.
- Indicadores de resultados, indicadores de éxito e fracaso.
DURACIÓN DO CURSO: Do 20 de xullo de 2020 ao 30 de xullo de 2020.
HORARIO: Luns, martes, mércores e xoves de 10:00 a 14:00 horas.
LUGAR: Centro Gárate. Sanjurjo Badía 79, Vigo.
MATERIAIS: O alumnado deberá aportar luvas, roupa e calzado de traballo.
HORAS TOTAIS DO CURSO: 30 horas
APORTACIÓN: socios 75€ e non socios 85€
Para inscribirte só tes que cubrir o formulario que aparece na parte inferior e nos próximos días recibirás unha mensaxe de confirmación co número de conta para facer o pago no prazo de 3 días laborais.
Medidas de prevención
Xaruma conta coas medidas de prevención do COVID-19 necesarias para realizar esta actividade, destacando:
Grupo máximo 10 persoas.
Limpeza e desinfección diaria e frecuente das instalacións.
O material estático utilizado desinfectarase tras cada uso (cadeiras, mesas…) e será usado polas mesmas persoas.
Entregarase documento de normas e medidas de prevención previamente ao inicio do curso.