FORMACIÓN OFICIAL
Ante o próximo cambio de normativa, o curso de director/a de actividades de tempo libre adquirirá un valor maior, pois esixirase para traballar en máis ámbitos de tempo libre, como por exemplo, ser docente nunha escola.
O título oficial de director/a de actividades de tempo libre ascende un nivel dentro do mundo da educación non formal, ademais de darche acceso a outro tipo de formación oficial, como o título de director/a de campos de traballo, formación exclusiva das escolas de tempo libre.
O curso consta de 150 horas teórico/prácticas e 150 horas prácticas. Terá lugar en fins de semana entre o 6 de marzo e o 31 de maio, atendendo á seguinte temporalización.
INDICACIÓNS CURSO DIRECTOR/A DE ACTIVIDADES DE TEMPO LIBRE
Será presencial en Vigo, na rúa Torrecedeira 66 (zona centro). Existe a posibilidade de ceder un espazo para pernocta os días de curso, le máis abaixo!
APORTACIÓN ECONÓMICA: 300 € para voluntariado activo e socios/as; 310 € para o resto das persoas.
Haberá posibilidade de facer o pago fraccionado en tres partes:
- Matrícula e reserva de praza (antes do 3 de marzo): 170€ / 180€
- Segundo pago (antes do 5 de abril): 80€ / 80€
- Terceiro pago (antes do 5 de maio): 50€ / 50€
Requisitos (Decreto 50/2000):
- Título de monitor/a de actividades de tempo libre. (Achegarase copia do título oficial)
- Titulación mínima de bacharelato ou formación profesional. (Achegarase copia do título ou documento que acredite a titulación mínima)
- Experiencia de traballo como monitor/a de 250 horas ou 30 días de campamento. As horas deberán ter sido traballadas despois da obtención do título de monitor/a. (Acreditarase mediante certificados de empresa, vida laboral, contratos ou calquera outro documento que acredite esa experiencia).
FACILITACIÓN ASISTENCIA. CESIÓN ESPAZO PARA PERNOCTA
Para as persoas que vivan lonxe e/ou teñan dificultades de transporte para acceder á formación, ponse a disposición o piso da entidade para permanecer de venres a domingo os días de curso. É un piso con capacidade para 5 persoas, totalmente equipado e accesible. Non ten custe a maiores, sin embargo necesitará que as persoas sexan socias (asociarse require un pago único de 5€, infórmate aquí). As solicitudes valoraranse de forma individual atendendo a criterios de distancia, horarios e necesidades. As persoas que opten a este servizo asinarán un compromiso de usos e responsabilidade sobre o espazo. No formulario de inscrición poderase solicitar o seu uso, que confirmaremos nos días posteriores á inscrición.
CONTIDOS
1ª parte (40 horas). Área de psicosocioloxía:
- Dirección de equipos e liderato
- Análise das realidades sociais
2ª parte (25 horas). Área de intervención educativa:
- As correntes pedagóxicas e a súa influencia na pedagoxía do tempo libre.
- A pedagoxía do ocio. O concepto de tempo libre.
- Educación en valores: o ideario educativo.
- Metodoloxía e modelos de intervención en actividades de tempo libre: actividade, participación, convivencia.
- Asociacións como espacio educativo.
3ª parte (85 horas). Área de xestión:
- Planificación e deseño de proxectos de intervención
- Estratexias de xestión
- Organización e modelos organizativos
- Administración, xerencia e xestión económica
- Lexislación
- Políticas e recursos institucionais
Haberá dúas ou tres xornadas abertas á sociedade (segundo o número de alumnado) de actividades de dinamización social directamente relacionadas coa titulación, organizadas polo propio alumnado, coa finalidade de pór en práctica os coñecementos adquiridos na xestión e coordinación de actividades de lecer.
Para inscribirte, simplemente deberás encher o seguinte formulario de inscrición e esperar a nosa confirmación.
* Non se devolverán os cartos salvo que o curso finalmente non se realice ou a praza sexa cuberta. O feito de que a persoa acade o non apto nalgunha das fases do curso, non suporá a devolución do importe da formación.
Se aínda tes dúbidas consulta Preguntas frecuentes
