FORMACIÓN OFICIAL
Gustaríache traballar con persoas e para persoas? Pertencer a proxectos de dinamización e intervención? Cres que a educación é o camiño para lograr grandes cousas? Disfrutas do contacto da natureza e ves nela un recurso valiosísimo? Pois este é o teu curso. Faite monitor/a de actividades de Tempo Libre e comeza a dedicarte ao que máis che gusta.
Nós cremos que este curso é unha das mellores e maiores bases para desenvolver calquera profesión, estea ou non estea dentro do mundo da educación no tempo libre. Aportarache outra forma de ver e vivir as cousas, fomentará a túa creatividade, coñecerás cousas de ti mesma/o que descoñecías e, como non, coñecerás a xente que ve o mundo de forma moi similar a ti e que, seguro, pasan a formar parte da túa vida.
O curso consta de 350 horas divididas en 200 teórico prácticas presenciais, das que se pode faltar un 20% (40 horas), e 150 de prácticas en institucións ou campamentos de verán. Ademais, este curso leva consigo o título de manipulador de alimentos, de 6 horas de duración (formación en liña e a maiores deste curso).
Datas: 10 de abril – 20 de xullo de 2025 (consulta o calendario)
Horario: xoves e venres de 16 a 21h. Sábados de 9 a 14h.
Lugar: Antiga Escola Rural da Portela (Santiago de Compostela)
Requisitos: maior de idade con graduado escolar ou equivalente.
Aportación económica: sen custe para participantes, voluntariado e colaboradores/as de Asociación Itínera e CEGASAL.
Contidos:
- Psicoloxía e Educación no Tempo Libre
- Animación
- Educación para a Saúde
- Educación Medioambiental
- Organización e Recursos
Documentación a entregar:
- Fotocopia do DNI
- Fotocopia título graduado escolar ou equivalente
- Foto de carné
- Resgardo bancario
Toda esta documentación entregarase no momento de inscrición.
Para preinscribirte, segue estes pasos:
- Contacta coa asociación Itínera solicitando praza.
- Ante a confirmación da entidade, enche o formulario de inscrición cos teus datos persoais e a túa documentacón. No prazo máximo de 5 días hábiles enviarémosche un correo confirmando a praza e indicando os pasos a seguir.
Este curso enmárcase dentro do programa Capacitadamente II, organizado por CEGASAL e ERIT co patrocinio de Jhonson & Johnson e colaboración da Asociación e Escola de Tempo Libre Xaruma na coordinación e impartición da formación.
Se aínda tes dúbidas consulta Preguntas frecuentes
