Queremos que nos sorprendades baixo o lema de “Sementando Saúde”. Lanzamos o I Certame de Ilustración, onde deberás sacar á túa ou ao teu artista, esa personiña que todxs levamos dentro e que pode crear cousas marabillosas.
Dende o 11 de maio ao 14 de xuño terás tempo para crear a túa ilustración baixo o lema “Sementando Saúde”. Non hai número máximo de entregas por persoas, así que podes crear todo o que queiras.
Reflexiona, inspírate, cóidate, respira, proba, lánzate, crea… Sementa saúde!
A imaxe será utilizada para serigrafiar camisetas baixo o lema de “Sementando Saúde”. A persoa gañadora conseguirá unha camisola coa súa creación máis unha cesta de productos artesanais feitos con amor na entidade. Un premio moi suculento!
Se participas, por favor… Recorda engadir na túa participación o documento de protección de datos que poderás descargar nas seguintes ligazóns.
RESOLUCIÓN CERTAME
Xa temos obra gañadora. Sementamos Saúde co Xardín Imaxinario de Dana.
Con esta obra realizaremos camisetas, queres reservar a túa? Indícanos a túa talla na prevenda (non terás que pagar nada ata o final) enchendo este formulario: https://forms.gle/2aa21owMZSZRkNbB8
Obras finalistas
Todas as obras serán expostas os días 30 e 31 de xullo de 2021 no café bar Vitruvia (Vigo) en horario de mañá (ampliaremos máis información deste evento).
Moitas grazas a todas as persoas participantes por contribuír a sementar saúde!
