Seguimos coa boa vibra dos Venres Abertos e neste mes de marzo temos un novo campionato; CAMPIONATO DE FUTBOLÍN 3.0 ⚽️

Estades todas e todos convidados a formar parte deste novo campionato que arrinca o venres 13 e que continua os venres 20 e 27, día no que se fará a entrega de premios. Todos os venres, de 17:30h a 19:00h no local de Xaruma (Rúa Sanjurjo Badía, nº79) pasaremos unha tarde amena, desfrutando tanto do campionato coma doutro tipo de xogos de mesa, dardos e pin-pon, da boa compañía e do bo roio que se está a xerar nestas tardes de venres e, coma non, dos petiscos que nos axudan a repoñer forzas! Enténdese que este horario pode sufrir algunha modificación aumentando un pouco en función das equipas inscritas.

Se estades interesadas en participar, podedes inscribirvos no correo infoxaruma@gmail.com, no propio local ou vía telefónica chamando ao 698 142 158 antes do 11 de marzo. A cota de inscrición é de 3€ si vindes con parella de xogo ou de 1,5€ si vindes de maneira individual (unha vez aquí se asigna parella). O pago efectuarase no local, o cal irá destinado aos gastos dos petiscos así coma ao dalgunha sorpresiña que outra.

Esperámosvos! 🏃‍♀️🏃‍♂️