Apoio ás familias

Na asociación Xaruma, levamos dende o 2010 traballando con persoas con trastornos mentais e as súas familias.

Ademais da intervención diaria onde, as persoas participantes da entidade son as protagonistas, cómpre tamén elaborar plans de accións con aquelas persoas coidadoras coma nais, pais, irmás, fillas, parella… que están en primeira liña, para darlles voz e para ofertarlles un lugar que tanto merecen e precisan.

Dentro dos factores que compoñen e que inflúen nunha persoa coma ser individual, o núcleo familiar cobra un papel esencial debido a ser un potente axente de cambio e rehabilitador. Por este motivo, é de vital interese tecer unha rede de apoio e coidar e facilitar un entorno de acougo.

Este proxecto pensado e creado para vós, familias, pretende ser un lugar de asesoramento e información, un servizo de orientación e un apoio en canto a xestión emocional e o autocoidado, rachando cos sentimentos e emocións contraditorias que se poidan sentir en determinadas situacións e dotando das ferramentas necesarias para un maior benestar.

Espazo Nós Mesmas, adicado á reflexión e á atención integral como persoas, principalmente, coma mulleres.

Espazo Ocio Saudable, pensado para mellorar o rendemento e a eficacia no funcionamento das capacidades cognitivas, reforzando a propia autonomía e independencia.

Espazo en Familia, destinado a crear vínculos e redes de apoio entre as familias participantes, no que poder expresar dúbidas ou inquedanzas e poder poñer en común experiencias vitais.

Atención individualizada e acompañamentos no fogar e labor de teleasistencia e apoio en xestións administrativas.

Formación nos Coidados, espazo nos que se ofrecen formacións diversas para o autocoidado das persoas coidadoras.

Se estás interesada/o ou queres máis información, podes chamar ao número 986 127 949 ou ao 698 142 158, ou ben, mandar un correo electrónico a infoxaruma@gmail.com