Xa chega o inverno e o nadal. E con eles, un montón de actividades para celebrar estas datas dende Xaruma.
Neste decembro comeza o Campionato de Futbolín, que terá lugar os venres 15 e 22 de decembro, e finalizará durante o mes de xaneiro.
O sábado 16 realizaremos unha Actividade Deportiva en Castrelos durante todo o día, así como unha visita ao Alumeado de Vigo.
O día 21, as persoas participantes acudiremos á Festa de Fin de Ano do IES de Chapela e, para rematar de despedir o ano, o día 29 todas as persoas que formamos Xaruma (participantes, traballadoras, voluntariado, comunidade e familias) celebraremos unha Xuntanza de Nadal para lembrar os momentos do ano e formular os nosos mellores desexos para o 2024!
O día de Nadal Xaruma permanecerá pechado, aproveitade a data para celebralo e volver coas pilas cargadas.
