¿Autoestima baixa? ¿autoestima alta? Non se trata de saber a medida exacta senón de saber como nos sentimos vivindo na nosa pel, que tan cerca ou lonxe nos sentimos de nós mesmas.
¿É posible establecer vínculos de afecto e boa convivencia con amizades, parella, familia, compañeiras/os de traballo se vivimos sentíndonos lonxe de nós mesmas?
Este obradoiro, destinado a mulleres coidadoras, quere facilitar ás mulleres unha experiencia educativa de xogo para o autodescubrimento, reforzando a autoestima.
Dará comezo o 14 de setembro, levándose a cabo os martes e xoves de 18:00h a 19:00h de maneira telemática. ¿QUE SE PRECISA? O formato do curso require un espazo de intimidade e acceso a internet a través dun ordenador, tablet ou móbil que teñan cámara para poder verse, dado que o curso se facilitará ao grupo mediante a plataforma de videoconferencia Zoom.
Abordaranse os seguintes contidos:
Módulo 1. AUTOESTIMA
- Fundamentos básicos.
- Cerca e lonxe de ti.
Módulo 2. VIVIR AQUÍ E AGORA
- Quen son aquí e agora.
- Tomar consciencia do propio corpo.
Módulo 3. DARSE CONTA
- Sentir. Xogar. Vivenciar.
- Exercicios e experimentos gestálticos.
Módulo 4. COMUNICACIÓN INTERIOR
- O ciclo da satisfacción.
- Cales son as miñas necesidades.
Módulo 5. COMUNICACIÓN CON OUTRAS PERSOAS
- Contacto. Retirada.
- Encontro e responsabilidade
Impartido por Pilar Lorenzo Represas.
Se queres máis información sobre este curso, chama ao 698 175 266 ou escríbenos ao etlxaruma@gmail.com
Formación sen custe para as persoas participantes. Actividade subvencionada pola Concellería de Igualdade do Concello de Vigo.
