formaciónEn ruta coa Depo. Camelias Señoriais
Sábado, 07 de Outubro de 2017

Apetéceche pasar un día diferente? 

Como cada uno, temos unha excursión máis que ofrecerte, dentro do programa da Deputación “En ruta coa Depo”.

Esta excursión do 7 de outubro, chamada Camelias Señoriais, incorpora as seguintes visitas:  

  • Pazo de Oca, pazo señorial de estilo barrodo situado na parroquia de Oca, na Estrada. Actualmente pertence aos duques de Medinaceli e está declarado Ben de Interese Cultural do patrimonio español. Tamén é coñecido como o versalles galego debido á beleza dos seus xardíns que ocupan 8 hectáreas. 
  • Pazo de Gandarón, situado na parroquia de Salcedo. Foi erixido a finais do século XVIII polo arzobispo de Santiago Sebastián Malvar e Pinto, e é residencia da Misión Biolóxica de Galicia dende 1928. 
  • Pazo de Lourizán, situado en pontevedra, é unha casa señorial que data do século XV, actualmente de aire romántico. 

Para apuntarte, simplemente enche o formulario que hai máis abaixo. É moi importante enchelo cos datos completos de NOME, DNI e TELÉFONO.  No caso de haber algunha persoa con mobilidade reducida con necesidade de transporte adaptado, así como alerxias ou intolerancias alimentarias, rogámosche que nolo comuniquedes no apartado de observacións. Tamén é importante que comuniquedes os menores de 18 anos.

Só se pode facer unha inscrición por formulario e a data límite para realizala finaliza o día 1 de outubro. Se vos queredes anotar máis persoas xuntas, indicade en observacións todos os datos persoais do resto de persoas (nome completo, DNI, teléfono e intolerancias ou alerxias de ser o caso)

Os adultos pagarán 12 euros mentres que os menores de 12 anos pagarán 8€ (recordade comunicalo)

O pago realizarase unicamente a través de transferencia bancaria no prazo de 4 días hábiles unha vez confirmada a praza. O número de conta enviarase unha vez confirmada a praza.

O bus saíra ás 9:00 h dende o Centro Comercial A Laxe e  voltará arredor das 19:00h ó mesmo lugar.

Se queres pasar un día diferente, coñecer o noso entorno e xente nova, non o dubides, vente connosco!

Apresúrate! Hai prazas limitadas! 

Non podes faltar!

IMPORTANTE: Non se devolverán os cartos salvo que a excursión finalmente non se realice ou a praza poida ser cuberta.

documentosasociados
formulariopre-inscripción
*Campos obligatorios